私人健身教練 Francis Lam

2013年9月30日星期一

每張相片都有一個故事: 學員Karma減脂, 改善身形的親自分享

感謝學員Karma親自寫下的分享內容:

仲記得未開始跟FRANCIS時, 我對減肥都唔敢抱有太大的期望.

我: 我天生係“不瘦鋼”, 十幾年不斷減肥都未成功過.

教練: 俾12個禮拜我. 信我.

就係呢句咁簡潔有力的說話, 改寫左我(身型上)的命運.

首先我一定要講下點解我對減肥已經去到萬念俱灰的田地. 我家族上上下下都是肥人, 所以我係極易肥腫的一類, 塊面長期好似濕水面包咁漲起. 就好似大部分的女仔咁, 為左減肥, 人類諗得出的瘦身方法大部分我都試過, 結果我就進入悲慘的 “溜溜球”反應: 體重下跌後又快速反彈, 仲肥過未減. 十年減肥抗戰, 搞到成身的肉都鬆哂, 橙皮紋出哂來, 個樣又乾又殘, 望落去比真實年齡仲要大十幾年.

係8個星期的訓練入面, 我覺得最有用的係重新建立返一套正確以及高效率的減肥方法. 以 “瘦脂肪增肌肉”為原則, 我第一個月已經好明顯咁瘦左成個圈. 係運動方面, 我一星期跟FRANCIS兩次進行1小時重量訓練後, 再加30分鐘有氧運動(我好懶只會行跑步機=.=), 中間加插HIIT去燃燒大量脂肪, 呢種高效訓練對於去水腫特別有用, 最SURPRISE係我成世都瘦唔到的面最後細左成個SIZE! (題外: 其實女生不必打BOTOX, 做啱運動已經有提升, 緊緻周埋瘦面的效果!). 飲食方面, 教練為我設計了3餐及運動後的營養分配, 所以我瘦落來後皮膚依然好有彈性同光澤.12個星期TRAINING後我瘦左大約十幾磅, 不過同食減肥藥/節食的人唔同, 我瘦的唔係水份同肌肉, 而係純脂肪, 所以睇落去似瘦左幾十磅, 成條S型出返來. FRANCIS教練份人專業, 風趣又細心(當然加埋靚仔, 不過係佢迫我講, 哈哈), 令到成個健身的旅程一D都唔苦悶. 我自己就由一個完全唔鍾意做運動的人, 去到日日都好期待教練的TRAINING, 哈哈.

我有D朋友就覺得請私人教練好哂錢, 自己練仲好過. 對於呢一點我自己想分享一下: 第一, 對於女仔來講, 一開始做重力訓練都唔慣, 而且唔係好夠力, 一位專業的教練可以教你點樣用力同埋避免肌肉受傷; 第二, 私人教練可以提升訓的質素. 我仲好記得12星期前, 有一位同我差唔多年紀的男仔, 我成日去GYM都見到佢, 不過我見佢係亂咁用健身器材, 連我呢個健身初哥都知佢無針對性運用肌肉做訓練. 就係咁, 8星期過後, 我身型已經出現極大的變化時, 佢都仲係原地踏步. 慳了錢, 哂了時間及精力, 咁有何必呢?

真係唔好意思, 職業關係, 我一寫野就停唔到手=.= 先至聲明, 教練一蚊都無俾過我 (可見佢幾咁窮大家快D請佢食野哈哈哈), 我寫到出來同大家分享係因為坊間專業且收費合理的私人教練真係唔多, 而且佢又真係幫到我短時間達到目
標. 12星期訓練完結了, 為了更好身型, 我會繼續跟FRANCIS進行另一SET的訓練計劃. 如果日後係GYM ROOM見到大家, 請多多指教! ^^

By Karma

大家亦可在以下連結得到更多有關資訊:

Facebook Fan Page:
http://www.facebook.com/personaltrainerfrancis

Blogger:

http://francislamfitness.blogspot.hk/

2013年9月29日星期日

健身迷思: 運動後立即進食會較易變肥胖嗎?

答案是不會的
運動後的身體吸收力強了雖然是事實, 但不會令人特別易胖。運動後的身體急需要恢復, 而我們立即進食的熱量和營養是不會立即被儲存成脂肪,而是用了去修補身體的細胞和組織, 特別是重訓後的肌肉, 以補充能量。

運動後可以吃甚麼
但要注意, 運動後一小時內適宜進食些簡單和快吸收的碳水化合物和蛋白質食物去幫助身體快速恢復, 如葡萄糖和乳清蛋白(whey protein), 又或者白麵包和脫脂奶, 而且要盡量避免油脂的食物, 因為油脂會減慢吸收。然後, 在簡單和快吸的碳水化合物和蛋白質消化過後, 大約兩小時後, 要有均衡營養的正餐, 包含均衡的碳水化合物, 蛋白質和纖維, 去幫助恢復身體, 例如瘦叉燒飯配水煮菜一碟。

乳清蛋白(whey protein)

白麵包和脫脂奶

延遲進食的負面影響

運動後延遲進食或捱餓反而會增加肥胖機會, 因為運動後不去立即補充營養及能量, 會令身體機能下降, 消耗身體肌肉, 脂肪比例上升, 長遠會令身體代謝率下降, 變得較易儲存脂肪。反之, 若果可以好好補充訓練後的肌肉, 令肌肉有所強化, 對提升代謝, 消脂絕對是有利。

不過, 大家要緊記, 整體進食的吸收量不要大於消耗量才不會肥胖的, 要不然, 多做運動也是白費心機。而大部分運動後進食致肥的說法大多數是沒有做好飲食控制所引起, 只要緊記以上簡單原則就可以輕鬆避免。

作者: 私人健身教練 Francis Lam

大家亦可在以下連結得到更多有關資訊:

Facebook Fan Page:

https://www.facebook.com/personaltrainerfrancis?ref=hl

Blogger:

http://francislamfitness.blogspot.hk/

炎熱的夏天正式來臨, 大家快趕緊準備

端午節過後, 意味著炎熱的夏天正式來臨, 不論是健身室, 街上, 泳灘都是男男女女展示身材的競賽, 一年只有幾個月, 大家快趕緊準備

P.S. 學員們經常叫我上課時著背心, 但我教的時候偏偏不會多露(怕會影響專業形象), 有時還會穿外套上堂, 現在給大家看一張上次為win.com影相的花絮相, 希望大家今年夏天要有目標, 多做運動, 身材一年好過一年, 加油 !!!

大家亦可在以下連結得到更多有關資訊:

Facebook Fan Page:
http://www.facebook.com/personaltrainerfrancis

Blogger:

http://francislamfitness.blogspot.hk/

2013年9月26日星期四

一千零一次的休息日

雖然今天是我一千零一次的休息日( 其實早上還要教一堂 :-| )，但我仍然保持活躍，上午自己workout一小時，下午去買餸準備之后幾天的食材，之後再真正休息，晚上再溫習最近進修的notes，雖然都是累，但充實了一天，不會讓假期白過:-)

大家亦可在以下連結得到更多有關資訊:

Facebook Fan Page:
http://www.facebook.com/personaltrainerfrancis

Blogger:

http://francislamfitness.blogspot.hk/

學員 Alex 付出十一分的態度

學員: Alex
一個需要長時間工作，會下了班，帶著疲倦的身體，在晚上九時半來到，一星期三次私人訓練課，持續了半年，對自己身體有要求，對健身運動十分有熱誠的人，可想而知他上課時的態度有多麽認真，可以付出十一分的態度。

教練一定會用盡全力繼續去帶你進步，讓你知道花錢請教練是值得的 !

大家亦可在以下連結得到更多有關資訊:

Facebook Fan Page:
http://www.facebook.com/personaltrainerfrancis

Blogger:

http://francislamfitness.blogspot.hk/

2013年9月24日星期二

相信數據還是鏡子?

今日難得在訓練後做了個Inbody, 竟測得body fat只有4.6%, 雖然心裡有一刻暗喜, 但深知是無可能的。因為雖然我的體脂都能保持在偏低水平, 但是4.6%的話就應該看起來像人乾, 可以是健美比賽的水平了, 所以應該有偏差>< 因此, 又再一次證明我們都不應太在意數據, 它們只可作參考指標, 觀察趨勢。而我就比較相信鏡子。同意嗎?

大家亦可在以下連結得到更多有關資訊:

Facebook Fan Page:
http://www.facebook.com/personaltrainerfrancis

Blogger:

http://francislamfitness.blogspot.hk/